«КР Президентин жана КР ЖК депутаттарын шайлоо жөнүндө» КР конституциялык Мыйзамына өзгөртүүлөрдү киргизүү тууралуу» КР конституциялык Мыйзамынын долбоору

«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамына өзгөртүүлөрдү киргизүү тууралуу» Кыргыз Республикасынын конституциялык Мыйзамынын долбооруна кыскача маалыматтык баяндама

Бул кыскача маалыматтык баяндама https://kenesh.kg сайтында жайгаштырылган маалыматтардын негизинде даярдалды жана жарандардын укуктарына жана кызыкчылыктарына тиешелүү бөлүгүндө Кыргыз Республикасынын мыйзамдарына жаңы өзгөртүүлөр боюнча жарандарга маалымат берүүгө көмөктөшүүгө багытталган.

«Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамына өзгөртүүлөрдү киргизүү тууралуу» Кыргыз Республикасынын конституциялык Мыйзамынын долбоору (мындан ары – Долбоор). Кыргыз Республикасынын Жогорку Кеңешинин (КР ЖК) депутаттары тарабынан демилгеленген (конституциялык Мыйзамдын 41-беренесинин 14-1-бөлүгүнө өзгөртүүлөрдү киргизүү каралат).

Төмөнкүлөрдү кароо сунуш кылынат:

– саясий партиялар үчүн – 5000ден ашпаган үгүттөөчү (учурдагы редакция боюнча 10000ден ашык эмес);

– бир мандаттуу округдан талапкер үчүн – 100 үгүттөөчүдөн ашык эмес (учурдагы редакция боюнча 500 үгүттөөчүдөн ашпайт).

Долбоордун демилгечилери тарабынан даярдалган Долбоордун негиздеме-маалымкатына  ылайык:

— Долбоордун негизги максаты – үгүттөөчүлөрдүн санын саясий партиялар 10 000ден 5 000ге чейин, бир мандаттуу шайлоо округунан талапкерлер үчүн 500дөн 100гө чейин кыскартуу жолу менен саясий партиялардын жана бир мандаттуу шайлоо округдарынан талапкерлердин натыйжалуу катышуусуна көмөк көрсөтүү болуп саналат жана бул: «шайлоо процессинин катышуучулары үчүн бирдей шарттарды түзүүгө, ачык-айкындуулукту жогорулатууга жана финансылык жана уюштуруучулук кыянаттык менен пайдалануу тобокелдиктерин төмөндөтүүгө, саясий партиялар менен бир мандаттуу шайлоо округдарынан талапкерлерине каржылык жүктү төмөндөтүүгө мүмкүндүк берет»;

 – Долбоор коомдук талкуу жол-жобосунан өттү, анын жүрүшүндө сын-пикирлер жана сунуштар болгон жок.

Эгерде кабыл алынса, каралып жаткан конституциялык Мыйзам расмий жарыяланган күндөн тартып күчүнө кирет.

 «Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө» Кыргыз Республикасынын конституциялык Мыйзамына өзгөртүүлөрдү киргизүү тууралуу» Кыргыз Республикасынын конституциялык Мыйзамынын долбоорунда саясий партиялар жана бир мандаттуу шайлоо округдарынан талапкерлер үчүн үгүттөөчүлөрдүн санын жөнгө салуу жөнүндө  маанилүү маселе көтөрүлүүдө.. Үгүттөөчүлөрдүн санын: партиялар үчүн 5 000, бир мандаттуу округдардан талапкерлер үчүн 100гө чейин кыскартуу сунушталууда.

Максат – шайлоого катышуу үчүн кыйла бирдей шарттарды түзүү, айкындуулукту жогорулатуу жана кыянаттык менен пайдалануу тобокелдиктерин жана каржылык жүктү азайтуу. Долбоор сын-пикирлерсиз коомдук талкуудан өттү.