Жогорку Кеңештин депутатын кылмыш жоопкерчилигине тартууга уруксат сурап ким кайрыла алат?

“Кыргыз Республикасынын Жогорку Кеңешинин депутатынын статусу жөнүндө” мыйзамына өзгөртүү киргизүү долбоору 2024-жылдын 25-апрелинде биринчи окууда кабыл алынды.

“Кыргыз Республикасынын Жогорку Кеңешинин депутатынын статусу жөнүндө”  Мыйзамдын 28-беренесинин 2-5-бөлүктөрүна ылайык, Башкы прокурор, ошондой эле ишти карап жаткан соттун сунуштамасы боюнча депутатты кылмыш-жаза жоопкерчилигине тартууга Жогорку Кеңештин макулдугун алууга болот.

Конституциялык сот 2023-жылдын 29-ноябрындагы чечими менен  “Кыргыз Республикасынын Жогорку Кеңешинин депутатынын статусу жөнүндө” мыйзамындагы ушул 2-бөлүгүндөгү  “же ишти карап жаткан сот” деген сөздөр менен белгиленген ченемдик жобо Конституциянын 94-беренесинин 1-бөлүгүнө, 100-беренесинин 3-бөлүгүнө каршы келет деп тааныган.

Буга байланыштуу жогоруда аталган Мыйзамга тиешелүү өзгөртүү киргизилип, андагы “же ишти карап жаткан сот” деген сөздөрдү алып салуу сунушталды.