Парламент административдик-аймактык реформага байланыштуу мыйзам долбоорлорунун топтомун кабыл алды

Бүгүн Жогорку Кеңеште 3 мыйзам долбоору үч окууда тең кабыл алынды.

Алар:  

* “Кыргыз Республикасынын айыл аймактарынын жана шаарларынын деңгээлиндеги административдик-аймактык бирдиктери жөнүндө” Мыйзамдын долбоору,

* “Кыргыз Республикасынын администрациялык-аймактык түзүлүшү тууралуу” Кыргыз Республикасынын Мыйзамына өзгөртүүлөрдү киргизүү жөнүндө” Мыйзамдын долбоору

* “Административдик-аймактык реформанын алкагында Кыргыз Республикасынын айрым мыйзам актыларына өзгөртүүлөрдү киргизүү жөнүндө” Мыйзамдын долбоору

Кыргызстанда 452 айыл аймак ирилештирүүдөн кийин 235 айыл аймак болуп түзүлдү.

Экономика министрлигинин маалыматы боюнча, ирилештирүүнүн негизинде 2 млрд сомго жакын каражат үнөмдөлдү.

Эми мыйзамдар күчүнө киргенден кийин, өлкө боюнча жергиликтүү кеңештер таркатылып, күзүндө шайлоо дайындалат.