Элдик курултайдын делегаттарын кайрадан бир жылга шайлоо сунушталды

Бүгүн Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинде “Элдик Курултай жөнүндө” мыйзамына өзгөртүүлөрдү киргизүү сунушу каралды.

Элдик курултайдын катчылыгынын жетекчиси  Мыктыбек Абдылдаевдин айтымында, элдик курултай тууралуу мыйзамдагы беренелердин жарымынан көбү иштебей калды

“Элдик курултай мыйзамындагы 15 берененин 7 гана иштейт, анын үчөө техникалык беренелер, калган 8и иштебей турат. Нормативдик актыларга ылайык, 50 пайыздан ашыгы иштебей турганда жаңы мыйзам жазышыбыз керек”, — деди Абдылдаев.

Эми курултайдын делегаттарын бир жылга шайлоо сунушталууда.  Аракеттеги мыйзам боюнча аймактардан 700 делегат курултай өткөн мезгилге гана (2-3 күнгө) шайланат.