“Ата-Журт Кыргызстан” фракциясынын депутаты камакка алынды

Жергиликтүү кеңештин депутаты, “Ата-Журт Кыргызстан” фракциясынын мүчөсү  массалык башаламандыктарды уюштурууга жана бийликти күч менен басып алууга чакырык жасаган деп шектелип кармалды. Бул тууралуу УКМК билдирди.

Атайын кызматтын маалыматына караганда, Жалал-Абад облусунун Аксы районунун Кербен шаардык кеңешинин «Ата-Журт Кыргызстан» фракциясынын депутаты Н.Ж.К. «Facebook» социалдык тармагынын активдүү колдонуучусу катары мезгил-мезгили менен тенденциялуу жана чагымчыл материалдарды, анын ичинде массалык башаламандыктарды уюштурууга жана андан соң бийликти күч менен кулатууга/ басып алууга чакырыктарды жарыялаган.

Ага карата «Массалык башаламандык» беренеси боюнча кылмыш иши козголуп,  УКМКнын убактылуу кармоочу жайына киргизилди.