Кыргызстандын аймактары боюнча короновирус жуктуруп алгандардын (ЖА) жана айыгып кеткендердин (АК) динамикасы

Кыргызстанда соңку бир сутка ичинде коронавирус жуккан 28 адам жаңы катталды. Бул тууралуу 6-майда саламаттык сактоо министринин орун басары Нурболот Үсөнбаев билдирди.

Үсөнбаевдин айтымында, 6-майга караган түнү Бишкектеги Республикалык клиникалык жугуштуу илдеттер ооруканасында коронавирус жуккан 67 жаштагы бир аял кайтыш болду. Анын көптөгөн өнөкөт оорулары болгон.

Соңку бир суткада 14 бейтап айыгып чыкты.

Жалпысынан 6-майга карата Кыргызстанда коронавирус 871 адамдан табылды, алардын ичинен 12 бейтап кайтыш болду, 614 бейтап сакайды.

Коронавируска байланыштуу Кыргызстанда Коопсуздук кеңешинин чечими менен Бишкек, Ош, Жалал-Абад шаарларында жана Ат-Башы районунда 10-майга чейин өзгөчө абал, ал эми калган аймактарда өзгөчө кырдаал режими калтырылган.

Адистер өлкөдө коронавирус жуккандардын саны эң көп каттала турган мөөнөт 20-24-апрель болот деп болжолдогон.