Рус
Кырг
1957-жылы 8-октябрда Жалал-Абад облусунда Арсланбобто репрессияланган мугалимдердин үй-бүлөсүндө төрөлгөн.
Атасы Малиев Касымакун ата-энеси жана туугандары менен Украинанын Херсон облусунун Скадовский районундагы Чалбас айылында (азыркы Виноградное айылы) сүргүндө жүргөн. Касымакун сүргүндөн жалгыз кайтып келди. Кара-Кол педагогикалык институтун аяктагандан кийин Касымакун Ысык-Көл облусунда мугалим болуп иштеген. Экинчи дүйнөлүк согуштун башталышы менен Касымакун ыктыярчы катары жазылып, фронтко аттанат, бирок Алма-Ата шаарында резерви бар экени аныкталып, кайра мугалим болуп иштеп калат. Кыргызстандын түштүгүндө мугалимдердин жетишсиздигинен улам жубайы Какен менен бирге Жалал-Абад облусуна жумушка жөнөтүлүп, Базар-Коргон, Ленин, Сузак райондорундагы бир катар мектептерде мугалим, мектеп директору болуп иштеген. Малиев Касымакундун урматына ак ниет эмгеги үчүн анын кичи мекенинде Ысык-Көл районунун Туура-Суу айылында көчөгө ысым ыйгарылган.
Апасы Бейшеева Какен мугалим, андан кийин «Союзпечать» бирикмесинде болуп эмгектенген. Пенсияга чыкканга чейин дүкөн башчы болуп иштеген. Апасы алты баланы тарбиялап өстүрүп, ал үчүн 2-даражадагы күмүш Эне Даңкы ордени, Эмгек ардагери жана В.И.Лениндин 100-жылдыгы медалдары менен сыйланган.
1974-жылы мен Жалал-Абад шаарындагы №5 орто мектепти аяктаган.
1979-жылы Харьков тамактануу академиясынын артыкчылык дипломуна ээ болгон. Университетте окуп жүргөндө эки жолу Сургут-Уренгой темир жолунун курулушуна курулуш отрядынын комиссары болуп барган. Фрунзе шаардык коомдук тамактануу бирикмесинин өндүрүштү уюштуруу бөлүмүнүн инженер-технологу, начальнигинин орун басары болуп иштеген.
1980-жылы Украинанын Илимий Изилдоо Институтунун аспирантурасына тапшырган. Андан кийин экономика илимдеринин диссертациясын ийгиликтүү жактап экономика илимдеринин кандидаттыгы жонундо илимий даражасын алган.
1984-жылдан Нарын комбинатынын директору, «Киргизвнешторг» ишканасынын директору. 1989-жылы Фрунзе шаардык коомдук тамактануу бирикмесинин 16 мин адамдан турган коллективи альтернативдик негизде генералдык директорлукка шайланган. Инновация ишке киргизген учун кызматтан аргасыз кетууго мажбур болгон.
1990-жылы «Кыргызсаякат» туризм боюнча республикалык бирикменин жетекчиси катары иштеген.
1991-1994-жылдары — «Аалам» холдингинин президенти.
1995-жылы Эл аралык ресурстар институтунда (Кливленд, АКШ) стажировкадан өткөн.
Үч жолу: 1995, 2000 жана 2005-жылдары бир мандаттуу шайлоо округу боюнча Кыргыз Республикасынын Жогорку Кеңешинин (парламентинин) депутаты болуп шайланган.
Парламентте Бюджет жана финансы боюнча комитетинин төрагасынын орун басары, бийик тоолуу, алыскы аймактар жана жаратылыш-климаттык шарттары катаал аймактар боюнча комиссиянын төрагасы болуп иштеген.
2003-жылы Кыргызстандын Чет олколор менен достук жана кызматташтык коомдор бирлигинин президенти болуп шайланган. 2004-жылдан бери Кыргыз Республикасынын Жаа атуу федерациясынын президенти болуп шайланган.
2007-жылы “Аалам” партиясын түзүп 2020 жылга чейин лидери болгон. Кыргыз Республикасынын Президентине шайлоого эки жолу катышкан.
2021-жылдын ноябрь айынан Кыргыз Республикасынын Жогорку Кенешинин депутаты.
Үй-бүлөлүү, балдары бар.
Сыйлыктар жана наамдар:
ВЛКСМ Сургут шаардык комитетинин Ардак грамотасы (1978).
Кыргыз Республикасынын Өкмөтүнүн Ардак грамотасы (2002)
Эл аралык «Руханият» сыйлыгынын лауреаты
“Достук” медалы – Монголиянын мамлекеттик сыйлыгы (2012)
«Найрамдлын Алтан Од» медалы (2007)
«РОССНАА 50 лет» медалы (Москва, Россия)
Кыргыз Республикасынын экинчи класстагы мамлекеттик кеңешчиси (2001)
Ноксвилл (Теннесси, АКШ), Аллекджени (Пенсильвания, АКШ), Жалгыз-Өрүк (Ысык-Көл облусу) шаарларынын ардактуу жараны
«Манас 1000» медалы менен сыйланган.
