Жогорку Кеңеште 35 депутат болсо кандай болот эле?

Кыргызстандык активисттер Жогорку Кеңештеги депутаттардын санын 120дан 35ке азайтууну талап кылып, онлайн кол топтоп жатышат. Петицияга кол койгондордун саны 10 күн ичинде 5000ге жетти. Демилге Жогорку Кенештин деңгээлине көтөрүлүүсү үчүн дагы 300миң кол керек. Бирок эксперттер эл өкүлдөрүнүн санын кескин кыскартууга каршы. Анткени аз сандагы депутаттар аткаруучу бийликтин ишине көзөмөл жүргүзүүдө аксап калышы ыктымал.